跳到主文
部落格全站分類:婚姻育兒
日本殿堂級動畫大師宮崎駿,日前透過旗下吉卜力工作室宣布退休,不再執導長篇電影作品。早前喺威尼斯影展舉行首映嘅《風起了》,有可能成為大師嘅最後作品。
至於退休原因,本周五( 6日)宮崎駿將會開記招親自交代。不過外界揣測,年屆 72歲嘅宮崎駿因年事已高、體力不濟而引退。另有傳媒指出,吉卜力出版嘅免費月刊《熱風》,今年 7月號曾表態反對日本修憲,宮崎駿批評政府缺乏歷史觀,除大力反對成立國防軍之外,更唱衰首相安倍晉三嘅經濟政策,引嚟國內反對派極大迴響,令大師萌生退意。
新作《風起了》於威尼斯影展搞首映,總裁星野康二、負責配音嘅女星瀧本美織均有出席,兩人對於宮崎駿嘅引退消息大感驚訝。 《風起了》以大師最愛嘅飛行做主題,並暫定 12月 19日於香港上映。 宮崎駿喺動畫嘅成就毋庸置疑。 2005年威尼斯影展,獲頒終身成就獎。 如果宮崎駿真係退休,其兒子宮崎吾朗大有機會接手工作室。不過兩父子出名關係差,紀錄片《父與子的 300日戰爭》就描述製作《紅花坂上的海》時,兩父子嘅衝突。
講真呀,媽咪姐細細個已經睇宮崎駿動畫,真係幾唔捨得㗎。不過「 good news」係大師經常將「退休」兩字掛喺口邊,有網民就統計過,宮崎駿喺 1986年《天空之城》、 1992《飛天紅豬俠》、 1997年《幽靈公主》同 2004年《哈爾移動城堡》上映時,曾前後 4次提出引退。媽咪姐就好希望今次都係流嘅,講到尾,能夠睇到大師嘅作品,最大得益都係我哋廣大觀眾啫!
吳依潔三圍, 吳依潔無名, 吳依潔facebook, 吳依潔男友, 中天主播吳依潔, 主播吳依潔, 吳依潔整形前
kgkxdxbhfatzm 發表在 痞客邦 留言(0) 人氣()